Á vef Confluence er að finna lista yfir fyrirtæki og stofnanir þar sem kerfið er notað. Meðal vel þekktra fyrirtækja á þeim lista eru:
Adobe, Borland, Cisco, Logitech Microsoft, Siemens, Sun Microsystems, Verisign, Citigroup, Credit Suisse, Deutsche Bank, E*Trade Financial, HSBC, Merrill Lynch, Western Union, BMW, DaimlerChrysler, Motorola, Nike, Renault, Shell, Sony. Toshiba, Volvo, BBC, British Telecom, Disney. Nokia Pixar Animation Studios, Telenor Networks
Wiki uppbygging á vel við þegar gögn á innri vefnum eru í stöðugri þróun og áhersla er á miðlun upplýsinga og þekkingar milli starfsmanna, frekar en einátta miðlun. Í wiki sjá notendur í sameiningu um að skrá og skapa þekkingu með þeim hætti sem við á hverju sinni.
Áhugi á wiki kerfum fer vaxandi meðal fyrirtækja í þekkingariðnaði og annars staðar þar sem áhersla er lögð á sjálfstæði og sköpunargáfu starfsmanna. Lausnasafn Vitka er byggt á wiki kerfinu Confluence og er selt og þjónustað af Hugsmiðjunni. Confluence er svokallað "enterprise wiki" sem notað er í rúmlega 2500 fyrirtækjum og stofnunum um allan heim.
Auðvelt er að skrifa texta, annað hvort í ritli sem minnir á hefðbundið ritvinnsluviðmót eða með einföldum wiki rithætti. Margir notendur geta unnið í texta sömu síðu eða bætt við athugasemdum líkt og þekkist af bloggsíðum. Kerfið heldur utan um alla breytingasögu og hægt er að sjá nákvæmlega hver breytti hverju og hvenær.